نعم أنا أعلن و بكامل قواي العقلية (اللي ما ضل منها اشي) انني مجنونة.
مشان احطكم في جو القصة لازم يكون عندكم المعلومات التالية:
شغلي بعيد عن بيتي 15-20 كم..
شغلي بعيد عن المراكز التجارية و السكنية أو بالأحرى هو آخر مكان في الدوحة..
إستراحة الغداء نص ساعة يعني ولا حدا بنفع يروح عالبيت أو أي مكان تاني و الكل بياكل سندويشة في المكتب و بيكمل شغل.
اليوم الصبح بدي أعبي بنزين في الطريق الشغل و كنت متأخرة شوي، بتفرج على الكازية و انتبهت انو صرلي زماااان ما غيرت زيت! من قبل ما أنزل إجازة على عمان!!
يي يي يي يي
و بدأت البحث بشكل هستيري على آخر كرت… و انتبهت انو الزلمة المسكين حطلي بنزين و بستنا ادفعلو، دفعت و صفيت عجنب أدور عبين ما لقيت الكرت! 7 آلاف كيلو متر… و نص!!ممتاز…
طيري عالشغل يا لملوم و خلينا نشوف شو العمل؟
وجدتها! و جدتها! بروح بالبريك!!
بابا (من عمّان): ما بتلحقي في نص ساعة ترجعي عالدوحة و تغيري زيت و ترجعي عالشغل. خلص روحي بعد الدوام…
أنا: لا لا بلحق بلحق…
بابا: لا حول و لا قوة اللا بالله… انتي حرة.
بعد شوي اتصلت ماما: عملت ورق دوالي بدي أجيبلك شوي بالبريك و نتغدى مع بعض بالسيارة (دايما هيك على أساس انا ما وراء الشمس)قلتلها لأ لأ بدي أروح أغير زيت للسيارةيا حبيبتي ما بتلحقي، غيريه بعد الدوام.
و طبعا انا لانو في براسي ألف شغلة لبعد الوام أصرّيت أروح أغير زيت.
ماما: طيب، حرام، أنا بلاقيكي في الكازية و بتاكلي بالسيارة معي عبين ما تخلص سيارك!
ممتاز، انطلقنا كل وحدة من جهة من الدوحة باتجاه الكازية و انا وصلت أول، طلعو ما بغيرو زيت، رحت عالكازية اللي بعدها (و اتصلت في ماما تغير الإتجاه و تلحقني) طلعو ما بغيرو زيت.
أرجع؟؟
لأ!! ول!! صرت جاي! و لفيت كل هاللفة و أرجع؟؟؟
اللي بعدها: بغيرو زيت بس ما عندهم فلتر
اللي بعد اللي بعدها (وصلت الطرف التاني من الدوحة): بغيرو زيت بس ما عندهم فلتر
طبعا زمااان خلص البريك، و ماما يا حرام وراي وراي قبل ما توصل الكازية بكون اتصلت و قلتلها تلف و تلحقني على وحدة تانية… عبين ما صارو 4 أو 5 كازيات (لاحظو انو حظي بفلق الحجر، و لاحظو أكتر: التناحة)
أوكي، أنا ما بعرف غير هدول الكازيات، هللأ صار لازم أتصل تلفونات و أخلي الناس يحكولي عن كازيات تانيين، معناتو جد خلص، لبعد الدوام، أعطتني ماما الأكل و رحت عالشغل و أنا باكل ورق عنب بالسيار. لطيف. طبعا طول الوقت و التلفون ما وقف رن.
كل هاد و انا ما حسيت اني مجنونة، اللا لمن رديت عالتلفون و قعدت احكي اللي صار (و لسه باكل) مما جعلني أنظر للموضوع بعين ثالثة….
…..: يعني بحيات الله جيتي من آخر الدنيا و لفيتي كل الدوحة تدوري عا كازية و بدك تخلصي بي نص ساعة؟؟
أنا: آه يعني كان ممكن لولا أنو حظي مش نافع و….
….: و خليتي إمك تلف كل هاللفة وراكي من كازية لكازية؟
أنا: آه بس ….
….: لمى جد إنتي ولا حبّة!
أنا: إنت الحبّة!
fi3lan, wala 7abbeh! ma3ek inzo ma bitkhalsi bnos sa3a!
but now you know…
BA3D IL DAWAM
i suffer from the same thing cause i have a 30 minutes break too :s
والله بصراحة مش عارف شو بدي اعلق
نص ساعة ؟؟ بنص ساعة , كل هاد بنص ساعة ؟؟؟ و امك المسكينة تلفلف وراكي , مش ولا حبة
يمكن ولا اشي كمان هههههههههه
Fe3lan tana7ah.
MAZZ, QABBANI and HAMEDE: yes now i know, la2 o bel aa5er sho tele3 il 7al? mama bteje betbaddel il sayara ma3i il youm bel break meshan ta3teha la 7ada yroo7 y’3ayer il zeit, aaaaaaaa5 zaman 3an ayyam 3amman, baroo7 ba’3ayyer zeit la7ali wa besohooleh o yosor wa sor3a, mesh 3arfeh sho isset il kazeyyat hon wallah il 7a2 3al kazeyyat mesh 3alay!
ma atna7ek:)
aa akeed 2nti ma 2lk da5l adban adban ….
يا اخوان هاي مش تناحة، هادا اسمو إصرار، تصميم، إرادة حديدية تهزم المستحيل (مش في هاي الحالة) و لازم تاخدو منها عبرة عدم الاستسلام للمصاعب
you have been TAGGED …
check it
ya baye el banat sho ten7eeeen! la2 mesh ma3goool!
Qabbani: yallah i will
Maher: ya3ni into illi mesh ten7een???!!! 7aram 3aleik
such a waste of half an hour? wasting it listening to songs on ipod ashraf!
Did you change it after all?
no… if i did i wouldnt call it tana7a, i would call it determination that leeds to success, but since it was a huge failure i admit i faild to see how obvious it was that its not gonna work and went on with it anyway, wa hay heyya il tana7a ya lillo
:shootshimself: