ما يحيرني في بث التلفزيون الأردني لحفل العجائب
8 07 2007والله كتير أشياء، بس كلها أشياء متوقعة اللا هاي! كنا بنحضر التلفزيون و أنا نص مفلوزة و بشرب كركديه سخن و متغطية بحرام (في شهر 7 في قطر) يعني هاي لحالها من عجائب الدنيا السبع.
المهم كنت “متحمسة” كتير، و خفت لما قالت المذيعة: الجو “حماسي” في عمان ، فارتعبت شوي.. بعدين قلت آه حماس آه متحمسين يعني… قلتلها من هون وأنا على بعد 2500 كم على اساس تسمعني: الله يسعدك ابعديلي عن هيك كلام أنا اندوشت من الأخبار! لدرجة انو بس قالت حماسي نسيت معنى كلمة حماس باللغة العربية و صارت بس تعنيلي اللي بشوفوبالأخبار!
من زماااان ما حضرت التلفزيون، خصوصا التلفزيون الأردني من أيام الطفولة، و بس حضرناه حسيت انو (على حطت ايدي) زي ما بقول المثل نفس طريقة التقديم و (الأتموسفير)… سنقفز عن وصف التفاصيل لضيق الوقت.
للعلم انا رحت عالبتراء بجوز 8 أو 9 مرات على الأقل، و بغض النظر عن الجدل الواسع بخصوص هاد الحدث فبيني و بين حالي كنت بدي البتراء تفوز. فوق ما انا نازلة على عمان بكرة بعد سنة كاملة وهي أطول مدة ببعد فيها عن البلد و بفكر جديا مع أني في ربيع العمر اني اخذ حبوب خفض الضغط بلاش بس اوصل مطار عمان و اموت من الفرح!
نرجع للتلفزيون:
طلع سور الصين العظيم، و الله فرحت قلت لحالي آه طبعا محلاه و هو مش طالع.
طلعت البتراء و صرت انط و فرحت و ضحكو علي اللي معي قالو هاي اللي على أساس مفلوزة!
طلع بعدها قطعو البث!
ليش؟ عن جد يعني طلعت البتراء و خلص يسطفلو باللي ضل؟ طيب يا أخي أنا عندي فضول أعرف؟ طب على اساس انتو مهتمين بالحدث التاريخي العظيم.. يعني جد بغض النظر عن كل الموضوع هاي الشغلة خلتني أسرح و أفكر كيف و ليش و على أي أساس بسير هيك؟ أكتر اشي بديهي و طبيعي انو نشوف الاعلان عن العجائب… صحيح انجنيت من الفرح بس كانت البتراء منهم بس انصدمت بس قطعو البث عن البقية!!
انا كنت كتييييير متأملة البتراء تفوز، صح و كنت بحاول ما اتأمل كتير مشان اتفادى الفقسة، بس لا انكر اني غصبن عني كنت مهيئة نفسيا و معجوقة و فرحانة و بس ضايل يحكو اسمها مشان أقفز في غرفة التلفزيون الصغيرة قفزة بهلوانية و ببراعة بحيث لم أكسر التلفزيون و لا الطاولة و لا رجلي، فكانت سعادة غامرة لكن المفاجأة يشوبها توقع وأمل مسبق…
المفاجأة الغير متوقعة نهائيا كانت بعد هيك، بس قطعو البث عن باقي العجائب! اتخربطت و بطلت افهم ؟؟!!
كيف و ليش و مين؟
هادا هو العجيب!
LoooL wallah the same happened to me
My brother and I were watching T.V also on Jordan T.V and right after they named Petra, they cut off the rest! I was like okay…………. o ba3dain!!
ba3dain balashet adawer 3ala channel or radio or anything bus 3al fadi :S
As for me, two things drove me really curious watching JTV, the first one: do we really need to adopt the conspiracy theory all the time..? The presenter said , after the results: “shokran likol man kan ma3ana, wa shokran likol man lam yakon ma3ana, 7awaloo ightial far7atina!!! ” ( those who were not with us tried to assassinate our happiness!!!” mish kteer haik?? Ya3ni couldn’t it only be a difference in opinion w bass..
Second thing, about Jordanian singers: Did Nahawand swallow Diana Karazon?Just wondering!
ana kont naym o s7et 3al (مسخرة) Out and I start hearing the sound outside and could not link to 7 wonders so I though (بكير على الشتى) so mbrok o allah y3ena 3al e7tfalat al watneh o fr7et al share3
JASMIN: hahahah mnee7 mesh la7ali! la halla2 mesh adreh afham who thought of this?? o ba3dein leish ma 5alloona ne7dar il 7afleh illi betjannen bel boto’3al o ba3dein ya a5i ‘3anno 3ala keefkom, mesh troo7 3aleina il i7tefalat …. heheh mesh ma32oleen
SALAM: looool jad he said that? assassnate our happiness?? hahhahahhaha laaa2 no way inno why does it have to be a victim-enemy situation hahahha fattasteeni do7ok la2 aal fi wa7ad 7aka: al batra2 illi banaha il hashemeyyoon!! loool
BASHAR: ma ana shofet hadool illi bedalhom yemsho oddam il camera o ye3malo 7alhom mesh mentebheen bas betfarrajo be taraf 3einhom 3ala asas mabsotein yetla3o 3al tv hahhaha olet zamaaaan 3an heik shofat
اخر مرة اتفرجت فيها على التلفزيون الأردني كانت من مش متزكر بالمرة ااه صح وثقت وفاة الملك حسين , هي اخر مرة اتفرجت فيها
بخصوص البترا صراحة انا ما شفتها و سمعت اكتير انها حلوة و بتستاهل بس انا كل عملية التصويت هي ما دخلت مخي ولا اقتنعت انها عادلة
على كل خلاصة الحكي انا عرفت انه فازت البترا من صديق بمصر كنت على عم بحكي مع شات و بسئلني انتو عندكم مدينة اسمها البترا , التو ايه ال مبروك يا عم ,
ايه على شو
فازت بالمركز التاني
اااه , طيب الله يبارك فيك
على كل حال, هلا العقبة و البترا و وادي رم , خلص بطلو للأردنين …
Still its fun, we WON!
3an jad … mesh ma3gool … eshe mas5ara …
fe alf sha3′le be rasi ,,, baktobha post o 5alas
bel salame lamooooosh
QABBANI: lazem troo7
MOEY: yeah im looking farward to what they would do about that now
ISAM: allah ysalmak
3o2balak ta5od vacation ya 3isam 
heheheh really haik sar msh tabi3i!! nawar el3adeh
سبحان الله كنت افكر بنفس الشيء تماماً، بعد ما أعلنوا مدينة البتراء قطعوا البث عن لشبونة، بس بصراحة الحق على الإخراج اللي كان سيء جداً… على كل الأحوال بعدها بخمس دقائق فتحت على النت وكانت النتائج طالعة…. الله يخليلنا الإنترنت !
Jordan TV is the most incompetent Arab TV channel I have ever seen. It’s so bad I was having stomach ache. It’s beyond bad. It’s disastrously bad. The selection of songs and speakers, their cliche ridden speeches that repeat again and again and again. I have been with taxi drivers and street bums who are more outspoken and intelligent than some of the personalities they invite to Jordan TV. I think JTV is reflective of the whole incompetence of Jordans’ elite, a byproduct of an entrenched system of favoritism and croniesm. And what’s up with the singer? Do they even realize that many Jordanians do not like Bedoiun songs. How about a balance for chrissake. Why the delibrate effort to drive Jordanian and other viewers away with 3rd rate performances. Where is Aziz Maraqa? And I am not having my hope too high about ATV. If it will folow the same path as Al-Ghad newspaper, then we are going to see more mediocre Jordanian press and media.
بصراحة هاي هي نتائج الواسطة وقتل الإبداع رغم اني طموحي ورغبتي بكل عمري اكون اعلامي واشتغلت على حالي كتير وصقلت شخصيتي حتى تواكب تطورات ومهارات ادارة الحوار بس اللي مش فاهمه انه الطلاب اللي ما بعرفوا يحكوا اسمائهم دخلوا التلفزيون الاردني وانا لانه مامعي واسطة ظليت على الهامش بتفرج وبتحسر صحيح انا ناجح في شغلي الثاني بس بتظل غصة كبية وهاي الواسطة جابت ناس مالها علاقة معتبرة الاعلام وظيفة مش مهنة ابداعية بحاجة لابداع ولهيك مافي شي بشد المشاهد وليش تبعديها في استعراض المدن المرشحة كانوا ماخذين لشبونة وبلشوا يستعرضوا بس قربوا على البتراء وهمه بمشوا بتسلسل الحروف الابجدية قطعوا البث وجابوا واحد يغني يمكن صوت جدتي المريضة احسن منه وبلشوا تجارة باسم الوطن بصراحة لا كرامة لنبي في وطنه لذلك اعلاميينا برى برفعوا الراس
والله يا لموش نفس الشي صار معنا بالبيت !! والله عيب كتير يروحوا يحطولي كرزونة ام الستان الاسود تغني ومش مهم باقي العجايب !! حتى صرت احكي لبابا صح انهم ما بستحوا دورلنا على تردد قناة لشبونة علشان نكمل العجائب .. صار يقلي هلا بدي ساعة لحتى الاقيها !!
لانه انفضحوا تاني يوم بالجرائد وكتير ناس كتبت بهادا الموضوع (انه عيب بس طلعت البتراء يوقفوا البث) …
بس ما تزعلي يا حلوة
نادين عبده .. من ربوع الاردن