ME LIKE

now this is really amazing… 

الهونولولو يا لولو

في الزماناااااات يا عباس… كانو الناس يحكو عن مالطا، في سياق يدل على انها ابعد مكان على وجه الأرض، فمثلا: والله لألحقك و لو عمالطا، أو يا زلمة طل علينا ول هو أنا في مالطا؟ ومثلا اذا اتصل واحد بارد زنخ متظاهرا انو بدو مسعود، بس يزهقو منو بحكولو: مسعود في مالطا، على اساس انو في مكان بعيد جدا بحيث لا رجعه له و لا ترجع تفكر تسأل عنو… فلا عجب اني كبرت و انا بفكر انو مالطا اشي جنب كوكب زحل.

 

في لحظة فضول بس اكتشفت خريطة العالم، دورت على مالطا، و يا عجب العجاب! مالطا في البحر المتوسط… مالطا أقرب من فرنسا…

 

و أزيدك من الشعر بيت.. اني مؤخرا تعرفت على زوج صديقتي اللي هو من مالطا، قعد يحكي معي بلهجة عربية مزيج من لهجتنا مع شوي لهجة تونسية و كلمتين ايطالي، آي واز فري امبرسد! قلتلو ماشاء الله تعلمت عربي بسرعة كتير و الله انك رهيب! حكالي لأ انا بحكي معاكي مالطي هو هيك!!! و أنا كتير استغربت، يعني مش بس مالطا قريبة، و كمان بحكو زي كأنو لهجة عربية جديدة! يعني قراب كتير! ليش بحكو عن مالطا على اساس بعيدة؟

 المهم، اليوم الصبح خطرلي سؤال، هو الهونولولو مكان موجود عن جد وللا اخترعو اسم غريب مشان يضربو فيه المثل انو بآخر الدنيا زي ما حكو عن مالطا؟

 I felt I was like Joey when chandler told him he lied to Janis to get rid of her and told her he’s going to Yemen, and Joey got excited and was like: man that even sounds like a real country!

 والله دورت عالنت، و طلع في اشي اسمو الهونولولو!!!! عاصمة هاواي!هللأ بعيدة، عن جد بآخر الدنيا..  ما اختلفنا… بس موجودة

 و يا صباح الخير